„Það hafa komið tvö tilboð en þeim var báðum hafnað. Þriðja tilboðið gæti komið en félagaskiptaglugginn í Rússlandi lokar á mánudag og því er tíminn naumur," sagði Ólafur Garðarsson umboðsmaður Samúels við Fótbolta.net í dag.

Samúel Kári er 23 ára gamall en hann á sjö landsleiki að baki fyrir Íslands hönd.

Á þessu tímabili hefur hann bæði spilað sem aftasti miðjumaður hjá Viking og aðeins ofar á miðjunni einnig.

Í grein í Rogalands Avis í dag er farið fögrum orðum um frammistöðu Samúels að undanförnu.