Fotbolti.net
30.08.20 - 10:03
Ívan Guðjón Baldursson

Doherty kominn til Tottenham (Staðfest)

Doherty hefur skorað 15 mörk í síðustu 95 leikjum með Wolves.

Doherty hefur skorað 15 mörk í síðustu 95 leikjum með Wolves.

Canon

Mynd: Getty Images

Tottenham er búið að staðfesta komu írska bakvarðarins Matt Doherty til félagsins. Tottenham borgar um 15 milljónir punda fyrir Doherty sem er búinn að skrifa undir fjögurra ára samning.
Félagaskiptin hafa legið í loftinu undanfarna daga og kemur lágt kaupverð mörgum knattspyrnusérfræðingum á óvart þar sem Doherty hefur verið gríðarlega öflugur síðustu ár með Úlfunum.

Nuno Espirito Santo, stjóri Wolves, vill skipta um bakvörð og hefur verið að reyna að krækja í Ainsley Maitland-Niles frá Arsenal, sem hafnaði 15 milljón punda tilboði í hann á dögunum.

Doherty er 28 ára og hefur spilað yfir 300 leiki á 7 og hálfu ári hjá Wolves en hann á aðeins 9 A-landsleiki að baki fyrir Írland.

Írska félagið Bohemians, uppeldisfélag Doherty, fær um það bil 1,5 milljón punda vegna skiptanna. Það er gífurlega há upphæð fyrir lið í írska boltanum.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.