Fotbolti.net
30.08.21 - 16:05
Elvar Geir Magnússon

Sabitzer til Bayern (Staðfest)

Æskudraumur Marcel Sabitzer hefur ræst.

Æskudraumur Marcel Sabitzer hefur ræst.

Canon

Mynd: Getty Images

FC Bayern hefur gengið frá kaupum á austurríska landsliðsmanninum Marcel Sabitzer. Þessi 27 ára leikmaður kemur frá RB Leipzig þar sem hann spilaði áður undir stjórn Julian Nagelsmann.

Sabitzer er sóknarmiðjumaður og hefur skrifað undir samning til 2025. Hann mun taka treyju númer 18.
„Marcel Sabitzer hefur allt sem leikmaður Bayern þarf að hafa. Að auki þarf hann ekki langan aðlögunartíma því hann þekkir hugmyndafræði Julian Nagelsmann," segir Oliver Kahn, framkvæmdastjóri Bæjara.

Sabitzer segir að æskudraumur sé að rætast. „Á hverjum jólum fékk ég nýja Bayern treyju. Ég mun leggja mig allan fram fyrir félagið. Ég vil vinna eins marga leiki og mögulegt er," segir Sabitzer.

Sabitzer lék fyrir Rapid Vín áður en hann gekk í raðir RB Leipzig. Hann hefur spilað 145 leiki í þýsku Bundesligunni og skorað 32 mörk. Þá hefur hann skorað átta mörk í 54 landsleikjum fyrir Austurríki.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.