Kevin-Prince Boateng er búinn að staðfesta sín eigin félagaskipti til ítalska B-deildarfélagsins Monza sem er í eigu Silvio Berlusconi, fyrrum eiganda AC Milan.
Boateng er búinn að skrifa undir eins árs samning við Monza en hann lék að láni hjá Besiktas á síðustu leiktíð, þar sem hann skoraði 3 mörk í 11 leikjum.
Boateng, 33 ára, er mikill flakkari og hefur spilað fyrir Fiorentina, Barcelona, Sassuolo, Eintracht Frankfurt, Las Palmas, AC Milan og Schalke á síðustu sex árum.
„Þetta er líklega erfiðasta áskorun ferilsins en ég get ekki beðið eftir að byrja," segir Boateng um skiptin.
Boateng hefur spilað yfir 100 leiki í efstu deild á Ítalíu en hann hefur aldrei áður spilað í B-deild, hvorki þar né í öðrum löndum.
Boateng hefur leikið fyrir Tottenham og Portsmouth í enska boltanum.
Athugasemdir