Brasilíski bakvörðurinn Vitinho er búinn að skrifa undir nýjan fjögurra ára samning við Burnley og geta áhugamenn um enska boltann búist við að sjá mikið af honum í haust og vetur.
Vitinho hefur verið að glíma við meiðsli að undanförnu en hann er 24 ára gamall og gekk til liðs við Burnley í fyrrasumar úr röðum Cercle Brugge.
Hann tók þátt í 41 leik er Burnley komst upp úr Championship deildinni og verður áhugavert að fylgjast með honum í deild þeirra bestu.
Vitinho hefur tekið þátt í þremur leikjum með Burnley á tímabilinu og mun berjast við Connor Roberts um sæti í byrjunarliðinu. Hann á einnig tvo leiki að baki fyrir brasilíska U20 landsliðið
Vitinho er fjórði leikmaðurinn til að skrifa undir nýjan samning við Burnley á skömmum tíma, eftir Josh Cullen, Anass Zaroury og Manuel Benson.
Athugasemdir
