England: Úlfarnir upp í þriðja sætið - Skoraði í fyrsta leiknum

Úlfarnir unnu í kvöld 2-0 í fyrsta leik helgarinnar í ensku úrvalsdeildinni.

Rayan Ait-Nouri skoraði sitt fyrsta mark fyrir félagið í sínum fyrsta leik. Hann skoraði eftir fyrirgjöf sem féll vel fyrir hann á fjærstönginni. Daniel Podence bætti við öðru marki á 27. mínútu eftir stoðsendingu Pedro Neto.

Á 86. mínútu braut Luka Milivojevic gróflega á Joao Moutinho og uppskar, eftir skoðun í VAR-skjánum, rautt spjald frá Martin Atkinson dómara leiksins.

Úlfarnir voru með sigrinum að vinna sinn þriðja sigur í fjórum leikjum. Liðið er í 3. sæti deildarinnar eins og staðan er núna.