banner
   mið 30. nóvember 2022 10:23
Guðmundur Aðalsteinn Ásgeirsson
Gakpo til Man Utd? - Bayern sýnir Kane mikinn áhuga
Powerade
Gakpo kemur við sögu í slúðri dagsins en hann hefur leikið frábærlega með Hollandi á HM.
Gakpo kemur við sögu í slúðri dagsins en hann hefur leikið frábærlega með Hollandi á HM.
Mynd: Getty Images
Harry Kane er orðaður við Bayern..
Harry Kane er orðaður við Bayern..
Mynd: Getty Images
Ronaldo er ekki á leið til Bayern.
Ronaldo er ekki á leið til Bayern.
Mynd: EPA
Enzo Fernandez er orðaður við Real Madrid.
Enzo Fernandez er orðaður við Real Madrid.
Mynd: EPA
Þá er komið að slúðri dagsins en það styttist í janúargluggann og er margt áhugavert í gangi.

Þýska stórveldið Bayern München er að leggja mikið upp úr því að kaupa Harry Kane (29) frá Tottenham. Gæti hann kostað á milli 80 og 100 milljónir evra. (Sky Sports í Þýskalandi)

Tottenham hefur sett sig í samband við ítalska félagið Inter út af hollenska bakverðinum Denzel Dumfries (26). (90 min)

Manchester United ætlar að bjóða framherjanum Marcus Rashford (25) nýjan langtímasamning en núgildandi samningur hans rennur út í lok tímabilsins. (Fabrizio Romano)

Framtíð beggja markvarða Chelsea, Edouard Mendy (30) og Kepa Arrizabalaga (28), er í óvissu þar sem félagið er að skoða það að fá inn annan markvörð fyrir næsta tímabil. (Sun)

Oliver Kahn, framkvæmdastjóri Bayern, segir að félagið ætli ekki að ná í Cristiano Ronaldo (37) sem er félagslaus þessa stundina. (Mirror)

Roma er tilbúið að selja sóknarmanninn Tammy Abraham (25) næsta sumar. (Calciomercato)

Það er búist við því að Lionel Messi (35) verði áfram í evrópskum fótbolta fram til ársins 2024 þrátt fyrir mikinn áhuga frá Inter Miami í MLS-deildinni. Hann leikur í dag með PSG í Frakklandi. (Sky Sports)

Það er samkeppnin um Jude Bellingham (19) er svo gríðarlega mikil þá hefur Real Madrid ákveðið að snúa sér að Enzo Fernandez (21), miðjumanni Benfica og argentínska landsliðsins. (Marca)

Liverpool, Chelsea, Real Madrid og Paris Saint Germain vilja kaupa Mohammed Kudus (22), fjölhæfan miðjumann Ajax. Hann hefur leikið vel á HM með Gana. (Fichajes)

AC Milan er að reyna að endursemja við miðjumanninn Ismael Bennacer (24). (Calciomercato)

Fyrrum enski landsliðsmaðurinn Joe Cole telur að Cody Gakpo (23) sem hefur slegið í gegn með Hollandi á HM, hljóti að vera á lista hjá öllum stærstu félögum í heimi. (ITV)

Man Utd er í viðræðum við PSV Eindhoven í Hollandi um kaup á Gakpo (Sun)

Miðjumaðurinn Carlos Soler (25) er nú þegar farinn að hugsa um að yfirgefa PSG en hann gekk í raðir félagsins í sumar. Arsenal er talið hafa áhuga. (Daily Express)

Chris Wilder, fyrrum stjóri Sheffield United, hefur áhuga á því að taka við QPR. (Sun)

Inter Milan er að íhuga tilboð í Franck Kessie (25), miðjumann Barcelona, fyrir næsta sumar. Kessie lék áður með nágrönnum Inter í AC Milan. (Calciomercato)

West Ham hefur látið miðjumanninn Conor Coventry (22) vita að honum sé frjálst að finna sér nýtt félag í janúarglugganum. (Football Insider)
Athugasemdir
banner
banner