Fotbolti.net
31.01.20 - 22:25
Ívan Guðjón Baldursson
Ítalska deildin

Kevin-Prince Boateng til Besiktas (Staðfest)

Kevin-Prince Boateng til Besiktas (Staðfest)
Canon

Mynd: Getty Images

Kevin-Prince Boateng mun leika fyrir Besiktas út tímabilið en hann gengur í raðir félagsins á lánssamningi frá Fiorentina.
Boateng hefur komið við sögu í 14 deildarleikjum á tímabilinu en hefur ekki tekist að sannfæra þjálfarateymið í Flórens um að hann sé rétti maðurinn til að leiða sóknarlínu liðsins.

Boateng er fjölhæfur leikmaður og getur spilað sem fremsti maður, í holunni fyrir aftan fremsta mann eða á miðri miðjunni. Hann býr yfir gríðarlegri reynslu eftir að hafa spilað fyrir félög á borð við Tottenham, Borussia Dortmund, AC Milan og Barcelona á ferlinum.

Boateng verður 33 ára í mars og er fenginn til að hjálpa Besiktas í toppbaráttunni í Tyrklandi. Meistararnir margföldu eru búnir að tapa fjórum af síðustu fimm deildarleikjum sínum og eru ellefu stigum á eftir toppliði Sivasspor.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.