31.03.22 - 20:00
Ívan Guðjón Baldursson
Bruno Fernandes búinn að skrifa undir til 2027


Mynd: Getty Images


Mynd: Getty Images
Fabrizio Romano er búinn að setja sinn eigin (Staðfest) stimpil á nýjan samning Bruno Fernandes við Manchester United.
Romano hefur aldrei rangt fyrir sér í þessum efnum og segir hann portúgölsku stjörnuna hafa krotað undir fimm ára samning sem gildir til sumarsins 2027.
Fernandes kom sem stormsveipur inn í ensku úrvalsdeildina en hefur aðeins dalað á þessu tímabili og fengið sinn skerf af gagnrýni fyrir hluti eins og leti í varnarvinnu og neikvæða líkamstjáningu. Rauðu djöflarnir hafa þó tröllatrú á sínum manni og skal engan furða þar sem hann er metinn á um 100 milljónir punda.
Fernandes er 27 ára gamall og hefur skorað 49 mörk í 117 leikjum frá komu sinni til Manchester, auk þess að leggja upp önnur 39.
