Sveindís Jane Jónsdóttir, leikmaður Breiðabliks, var valinn leikmaður fyrsta þriðjungs í Pepsi Max-deild kvenna. Heimavöllurinn tilnefndi fjóra leikmenn í valinu og Sveindís fékk 42,9% atkvæða.
Sveindís fékk Bose Frames Alto M/L - Sólgleraugu með innbyggðum bluetooth hátalara í verðlaun frá Origo.
Sveindís Jane er lánsmaður í Breiðabliki frá Keflavík. Eftir að Keflavík féll niður í Lengjudeildina síðasta haust var ljóst að hún vildi spila áfram í Pepsi Max-deildinni og að lokum var hún lánuð út þessa leiktíð til Breiðabliks.
Hún var allt í öllu í stórleik tímabils gegn Val í síðustu viku og skoraði fyrstu þrjú mörkin í 4 - 0 sigri. Hún hefur skorað 6 mörk í fyrstu 7 leikjum deildarinnar í sumar.
Hver er besti leikmaður fyrsta þriðjungs Pepsi Max-deildar kvenna? @heimavollurinn
— Fótbolti.net (@Fotboltinet) July 27, 2020
Athugasemdir