Fotbolti.net
31.08.20 - 18:50
Brynjar Ingi Erluson
Ítalska deildin

Henrikh Mkhitaryan til Roma (Staðfest)

Henrikh Mkhitaryan til Roma (Staðfest)
Canon

Mynd: Getty Images

Armenski landsliðsmaðurinn Henrikh Mkhitaryan er genginn í raðir Roma á Ítalíu en þetta kemur fram í tilkynningu frá félaginu í kvöld.
Mkhitaryan er 31 árs gamall og var á láni hjá Roma frá Arsenal á síðustu leiktíð en hann skoraði 9 mörk og lagði upp 5 í 22 leikjum í Seríu A.

Samningur hans við Arsenal átti að renna út næsta sumar en leikmaðurinn komst að samkomulagi við félagið um að rifta samningnum.

Hann kemur því á frjálsri sölu til Roma en hann var að þéna 180 þúsund pund á viku hjá Arsenal.

Mikel Arteta, stjóri Arsenal, sá engin not fyrir Mkhitaryan sem skoraði níu mörk í 58 leikjum frá því hann kom frá Manchester United í skiptum fyrir Alexis Sanchez í janúar árið 2018.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.