Manchester United hafði mikinn áhuga á Stevanovic og var orðað sterklega við hann fyrr í haust. Nágrannarnir höfðu þó betur í kappinu og eru sagðir greiða 8 milljónir evra fyrir kantmanninn, auk árangurstengdra aukagreiðslna.

Stevanovic kemur frá Partizan Belgrad og er serbneska félagið búið að staðfesta sölu á leikmanninum til City.

Stevanovic er aðeins 18 ára gamall en hefur verið lykilmaður í liði Partizan í næstum tvö ár. Hann hefur gert 12 mörk í 54 leikjum fyrir félagið.