Natasha Anasi í Breiðablik (Staðfest) - ekki lögleg í Meistaradeildinni
Natasha Moraa Anasi og Ásmundur Arnarsson, þjálfari Blika.
Mynd: Breiðablik
Natasha Moraa Anasi og Ásmundur Arnarsson, þjálfari Blika.
Mynd: Breiðablik
Natasha Moraa Anasi gerði í kvöld tveggja ára samning við Breiðablik en hún kemur frá Keflavík. Hún verður ekki lögleg með Blikum í Meistaradeild Evrópu.
Natasha, sem er þrítug, hefur verið fyrirliði Keflavíkur síðustu tvö ár en hún kom fyrst til landsins árið 2014 og samdi við ÍBV. Hún getur bæði leyst af í vörninni og spilað á miðsvæðinu.
Hún lék þrjú tímabil með ÍBV áður en hún gekk í raðir Keflavíkur árið 2017 og átti þar stóran þátt í því að koma liðinu aftur upp í efstu deild á síðasta ári.
Natasha er nú gengin til liðs við Breiðablik og gerir tveggja ára samning við félagið.
Hún fær þó ekki heimild að spila með liðinu í riðlakeppni Meistaradeildarinnar en kemur þrátt fyrir það með dýrmæta reynslu inn í hópinn.
Breiðablik hafnaði í 2. sæti Pepsi Max-deildarinnar á nýafstöðnu tímabili.
Hún lék þrjú tímabil með ÍBV áður en hún gekk í raðir Keflavíkur árið 2017 og átti þar stóran þátt í því að koma liðinu aftur upp í efstu deild á síðasta ári.
Natasha er nú gengin til liðs við Breiðablik og gerir tveggja ára samning við félagið.
Hún fær þó ekki heimild að spila með liðinu í riðlakeppni Meistaradeildarinnar en kemur þrátt fyrir það með dýrmæta reynslu inn í hópinn.
Breiðablik hafnaði í 2. sæti Pepsi Max-deildarinnar á nýafstöðnu tímabili.
