Dómnefnd Fótbolta.net fékk aðstoð frá Twitter þegar settur var saman listi yfir vanmetnustu leikmenn Pepsi-deildarinnar. Listinn er settur saman til gamans en hann má sjá hér að neðan og er fólki velkomið að vera ósammála!
Sjá einnig:
Topp tíu - Við viljum sjá meira frá þessum í Pepsi
Topp tíu - Nýjar stjörnur í Pepsi-deildinni
10. Heiðar Ægisson (Stjarnan) - Þessi ungi leikmaður er í miklum metum í Garðabænum en fær sjaldan hrós annars staðar frá.
9. Arnór Eyvar Ólafsson (Fjölnir) - Hefur staðið vaktina hjá Fjölni vel. Sterkt fyrir Grafarvogsliðið að krækja í hann á meðan söknuður er í Vestmannaeyjum.
8. Dofri Snorrason (Víkingur) - Getur leyst ýmsar stöður og gerir það vel. Lætur verkin tala inni á vellinum.
7. Almarr Ormarsson (KR) - Hefur verið einn besti leikmaður KR-inga í síðustu leikjum. Þegar hann nær sér á strik er ansi erfitt að eiga við hann.
6. Andri Rafn Yeoman (Breiðablik) - Blikinn sem sjaldan er í umræðunni. Hefur verið vanmetinn ansi lengi...
5. Viðar Ari Jónsson (Fjölnir) - Hefur spilað frábærlega í nýrri stöðu sem vinstri bakvörður. Var kantmaður alla tíð áður en hann skellti sér í bakvörðinn í vor.
4. Eiríkur Ingi Magnússon (Leiknir) - Kraftmikill hægri bakvörður sem stendur sína vakt vel. Afar mikilvægur í leik Leiknis.
3. Ásgeir Eyþórsson (Fylkir) - Þessi hávaxni varnarmaður er lykilmaður í Árbæjarliðinu en sjaldan í umræðunni.
2. Böðvar Böðvarsson (FH) - Böddi löpp hefur vart stigið feilspor í sumar og oft reynst drjúgur. Eins og til dæmis í sigrinum á KR-vellinum.
1. Kristinn Freyr Sigurðsson (Valur) - Það vita allir að hann er góður en hann er miklu betri en flestir tala um. Algjör lykilmaður á miðju Valsmanna og er tíður gestur í liði umferðarinnar. Býr yfir miklum gæðum.
Athugasemdir
