SKÝRSLAN: FH sótti 3 mikilvæg stig til Vestmannaeyja
Hvað réði úrslitum?
Seinni hálfleikurinn hjá FH var bara miklu, miklu betri. ÍBV skapaði sér mjög lítið og FH átti þetta fyllilega skilið.
Bestu leikmenn
1. Andrea Mist Pálsdóttir (FH)
Skoraði sturlað mark og stóð sig vel á miðjunni.
2. Phoenetia Browne (FH)
Var alltaf ógnandi fram á við og varnarmenn ÍBV áttu erfitt með að verjast henni. Skoraði eitt mark og átti stóran þátt í þriðja marki FH.
Atvikið
Þegar Phoenetia skoraði næstum eftir vinaspark til ÍBV rosalega óíþróttamannsleg hegðun hjá Phoe en ég er nokkuð viss um að hún hafi ekki kveikt á því að um vinaspark var að ræða. Svo þegar ÍBV voru að sækja 4 á 3 missir Karlina Miksone boltann, FH brunar upp og Andrea skorar draumamark.
Hvað þýða úrslitin?
FH eru ennþá í fallsæti en eru aðeins 1 stigi frá ÍBV. Það geta ennþá 6 lið fallið og botnbaráttan varð mikið meira spennandi eftir leiki dagsins.
Vondur dagur
Seinni hálfleikur ÍBV, skapa sér lítið og fá á sig 3 mörk. Ekki hægt að skella því á einn leikmann en Auður Scheving gerði stór mistök í öðru marki FH. Alls ekki hægt að setja vondan dag á Auði en hún átti að gera betur þarna.
Dómarinn - 5
Fínn leikur engin stór mistök en var svolítið að flauta á skrýtna hluti. Svo var ein skipting sem tók sirka 2 mínútur skrifast alfarið á dómarana sem voru ekki alveg með allt á hreinu.