SKÝRSLAN: Mikilvægur Blikasigur í Evrópubaráttu
Hvað réði úrslitum?
Breiðablik var einfaldlega bara miklu betri aðilinn í þessum leik. Fylkismenn komust yfir í fyrri hálfleik en eftir það tóku Blikar yfir og höfðu hæglega getað unnið þennan leik stærra.
Bestu leikmenn
1. Brynjólfur Willumsson
Fyllti skarð Thomasar Mikkelsen vel í kvöld. Stórhættulegur í öllum aðgerðum og skoraði tvö góð mörk. Frábær leikur hjá stráknum.
2. Stefán Ingi Sigurðarson
Lagði upp fyrsta markið, fiskaði víti og rautt spjald. Nýtti tækifæri sitt í byrjunarliðinu gríðarlega vel.
Atvikið
Ætli það sé ekki bara fyrsta mark Fylkis. Kom gjörsamlega uppúr engu og leikurinn lifnaði vel við það.
Hvað þýða úrslitin?
Blikar koma sér í þriðja sæti með 31 stig og skilja Fylkismenn eftir í því sjötta með 28 stig. Alvöru sex stiga rimma sem að fór fram hér í kvöld.
Vondur dagur
Daði Ólafsson. Fær á sig víti í fyrri hálfleik og svo rautt í seinni hálfleik. Alls ekki það sem að Fylkismenn þurftu á að halda.
Dómarinn - 10
Vítaspyrnudómurinn réttur og rauða spjaldið rétt. Frábær leikur hjá Jóhanni og félögum sem að stigu ekki feilspor.