SKÝRSLAN: Keflavík fagnaði Pepsi Max sætinu með sigri
Hvað réði úrslitum?
Gróttuliðið byrjaði alls ekki nógu vel en náðu aðeins að klóra í bakkann undir lok fyrri hálfleiks. Gæðamunurinn var bara of mikill þegar uppi var staðið.
Bestu leikmenn
1. Kristrún Ýr Hólm
Varnarjaxl sem skoraði markið sem var síðasti nagl í kistu Gróttukvenna í dag. Annars var mjög erfitt að velja leikmann leiksins í dag eftir mikinn liðssigur Keflavíkurkvenna.
2. Natasha Moraa Anasi
Alltaf sami töggurinn í henni, skorar skemmtilegt skallamark og átti margar góðar fyrirgjafir.
Atvikið
Fyrsta markið kom eftir 70 sekúndur. Gaf tóninn fyrir það sem koma skyldi.
Hvað þýða úrslitin?
Ekki mikið svo sem. Liðin færast ekkert um set eftir þessi úrslit. Keflavíkurkonur ánægðar með sigurinn og gátu fagnað Pepsi Max sætinu að leik loknum á heimavelli.
Vondur dagur
Set þetta á Ástu í marki Keflvíkinga. Óheppin að missa boltann og þannig gefa Gróttu mark. Hefði getað haldið hreinu ef ekki hefði verið fyrir þessi mistök.
Dómarinn - 8
Reyndi lítið á hann, svolítið spjaldaglaður en hélt ágætri línu þannig.