SKÝRSLAN: Jason Daði og Dagur Dan sáu um Eyjamenn
Hvað réði úrslitum?
Fyrri hálfleikurinn var gæðalítill og var mikil stöðu barátta en í síðari hálfleik stigu Breiðablik á bensíngjöfina og kláruðu leikinn á tæpum tuttugu mínútna kafla í síðari hálfleik og Eyjamenn fundu engin svör í síðari hálfleik.
Bestu leikmenn
1. Jason Daði Svanþórsson (Breiðablik)
Jason Daði var besti maður vallarins í dag. Skoraði tvö mörk ásamt því að vera alltaf hættulegur þegar hann fékk boltann nálægt teig ÍBV
2. Dagur Dan Þórhallsson (Breiðablik)
Dagur Dan var sömuleiðis mjög flottur í dag. Lagði upp og skoraði og var hættulegur þegar hann fékk boltann.
Atvikið
Fyrsta markið sem kveikti á Blikum þegar Andri Rafn keyrði upp vinstri vænginn og kom með fyrirgjöf inn á teig ÍBV og Jason Daði kláraði færið vel og eftir það var þetta aldrei spurning.
Hvað þýða úrslitin?
Breiðablik er á toppi deildarinnar með 51.stig og er liðið nú átta stigum á undan Víkingum og KA sem sitja í öðru og þriðja sæti deildarinnar. ÍBV situr áfram í níunda sæti deildarinnar en aðeins stigi frá fallsæti.
Vondur dagur
Andri Rúnar Bjarnason - Andri var týndur í dag en varnarmenn voru með hann í vasanum allan leikinn.
Dómarinn - 7.5
Ívar Orri og hans menn voru flottir í dag.