SKÝRSLAN: FH þakkar æðri mætti fyrir tilkomu úrslitakeppninnar
Hvað réði úrslitum?
Leikurinn var nokkuð jafn. FH stjórnaði honum að miklu leiti en skapaði sér ekkert frábær færi. Stjarnan fékk líklega betri færi þrátt fyrir að halda minna í boltann. Það skilaði sigrinum.
Bestu leikmenn
1. Ísak Andri Sigurgeirsson
Flottur leikmaður sem er óhræddur að keyra á varnir andstæðinganna. Skoraði tvö mörk í dag og tryggði sigurinn.
2. Kristinn Freyr Sigurðsson
Skoraði gott mark með skalla og var síógnandi með fyrirgjöfum sínum úr föstum leikatriðum. Besti leikmaður FH í dag.
Atvikið
Matthías Vilhjálmsson fékk gullið tækifæri til að jafna leikinn en brást bogalistinn með skalla sínum. Þarna þarf hann að skora.
Hvað þýða úrslitin?
FH þakka guði fyrir tvískiptinguna. Þeir sitja í fallsæti ásamt Skagamönnum. Stjarnan þurfti að sækja úrslit í dag til að tryggja sæti sitt í efri hlutanum og gerði það.
Vondur dagur
Matthías Vilhjálmsson átti ekki sinn besta leik í dag. Spilaði aftar en vanalega og átt í erfiðleikum auk þess klúðraði hann dauðafæri í leiknum.
Dómarinn - 8
Ekkert út á hann að setja. Fannst hann ná að halda tempói nokkuð vel og komst vel frá sínu verki