SKÝRSLAN: Þórssigur gegn meisturunum
Hvað réði úrslitum?
Heimamenn voru þéttir og biðu eftir tækifærinu til þess að sækja hratt. Þegar það kom, þá gripu þeir gæsina. Heilt yfir fengu gestirnir fleiri færi, en það er ekki spurt að því.
Bestu leikmenn
1. Ion Perelló (Þór)
Frábær í dag. Bæði var hann geggjaður á boltanum og vann endalaust fyrir liðið varnarlega.
2. Benedikt Daríus Garðarsson (Fylkir)
Með og án bolta er hann alveg stórhættulegur. Eldsnöggur á fyrstu metrunum og topphraðinn er ekkert minni. Ef að hætta skapaðist hjá Fylki, þá var hann yfirleitt í mixinu.
Atvikið
Björgun Birgis Ómars. Hún er einfaldlega það sem að skilur á milli þegar að uppi er staðið. Held að hver einasta manneskja á vellinum hafi verið búin að bóka skot Benedikts inni þar.
Hvað þýða úrslitin?
Þórsarar stökkva úr 10. sætinu uppí það sjöunda og enda tímabilið þar. Fylkir voru staðfestir meistarar fyrir þessa umferð og hreyfast því afar lítið. Nú tekur Besta-deildin við hjá Árbæingum, en Þórsarar reyna að byggja ofan á þetta tímabil og þar með þokast nær deild þeirra bestu.
Vondur dagur
Mér fannst Gunnar Oddur slakur í dag. Leikurinn flaut lítið og nokkrar skrítnar ákvarðanir sem að litu dagsins ljós.
Dómarinn - 5
Mun eiga betri daga.