Fotbolti.net
01.02.17 - 11:07
Magnús Már Einarsson

Lars Lagerback tekinn við norska landsliðinu (Staðfest)

Stýrir Norðmönnum út 2019

Lars Lagerback.

Lars Lagerback.

Canon

Mynd: Fótbolti.net - Hafliði Breiðfjörð

Lars Lagerback, fyrrum landsliðsþjálfari Íslands, hefur verið ráðinn þjálfari norska landsliðsins. Lars skrifaði undir þriggja ára samning en hann mun stýra Norðmönnum út undankeppni HM 2018 sem og í undankeppni EM 2020.
Hinn 68 ára gamli Lars hætti sem landsliðsþjálfari Íslands eftir EM í Frakklandi síðastliðið sumar eftir að hafa unnið ótrúlegt starf.

Lars tók við íslenska landsliðinu í október 2011 með Heimi Hallgrímsson sér til aðstoðar. Frá og með árinu 2014 voru þeir síðan saman þjálfarar Íslands. Undir stjórn Lars komst Ísland í umspil um sæti á HM og undir stjórn hans og Heimis fór liðið í 8-liða úrslit á EM í Frakklandi.

Lars tók að sér að starfa sem ráðgjafi hjá sænska landsliðinu á síðasta ári en hann hefur nú ákveðið að taka við liði Noregs.

Norska landsliðið hefur verið í mikilli lægð en liðið er í 84. sæti á heimslista FIFA og hefur aldrei verið neðar.

Norðmenn eru einungis með þrjú stig í sínum riðli í undankeppni HM eftir fjóra leiki en landsliðsþjálfarinn Per-Mathias Høgmo var rekinn í nóvember síðastliðnum.

Norsku þjálfararnir Stale Solbakken (FC Kaupmannahöfn) og Ole Gunnar Solskjær (Molde) höfðu báðir hafnað tilboði um að taka við norska landsliðinu áður en Lars tók við í dag.

Her er vår nye landslagssjef! pic.twitter.com/9iquL7376a

— NorgesFotballforbund (@NFF_info) February 1, 2017

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.