Spánn: Varamennirnir komu Atletico til bjargar

Atletico Madrid kom sér aftur upp í 4. sætið með dramatískum sigri á Villarreal í kvöld.

Axel Witsel kom Atletico yfir snemma leiks en Alexander Sörloth jafnaði metin í upphafi síðari hálfleiks.

Cesar Azpilicueta er að stíga upp úr meiðslum en hann kom inn á sem varamaður eftir rúmlega klukkutíma leik. Saul Niguez kom inn á undir lok leiksins en þeir sáu til þess að Atletico vann leikinn.

Azpilicueta fékk boltann inn á teig Villarreal og lagði boltann á Saul sem skoraði þegar skammt var til loka venjulegs leiktíma og tryggði liðinu sigur.