Fotbolti.net
01.07.26 - 08:45
Elvar Geir Magnússon

Maður dagsins á HM - Ást frá Mbappe og hópknús frá liðinu

Deschamps fékk faðmlag frá Mbappe.

Deschamps fékk faðmlag frá Mbappe.

Canon

Mynd: EPA

Leikmaður dagsins
Eftir að hafa skorað fyrsta mark Frakka í 3-0 sigrinum gegn Svíum í 32-liða úrslitum hljóp Kylian Mbappe beint í faðm þjálfara síns, Didier Deschamps. Aðrir leikmenn Frakklands fylgdu fast á eftir og úr varð hópfaðmlag.

Deschamps var mættur aftur á hliðarlínuna eftir að hafa yfirgefið franska liðið stuttlega þar sem móðir hans féll frá. Hann var ekki með liðinu í lokaleik riðlakeppninnar vegna þess að hann var viðstaddur útförina á svipuðum tíma.

Eftir erfiða daga var aftur komið bros á varir Deschamps en hann er maður dagsins á HM.
Deschamps yfirgefur herbúðir Frakka vegna andláts móður sinnar
TENGT EFNI

Deschamps yfirgefur herbúðir Frakka vegna andláts móður sinnar

„Það hafði mikil áhrif á mig hvernig Kylian fagnaði. Hann er fyrirliði okkar og er búinn að vera algjör fyrirmynd og framúrskarandi frá degi eitt," sagði Deschamps eftir leikinn.

Fjölmiðlar fjalla um að þetta hafi ekki aðeins sýnt tengingu liðsins við þjálfara sinn heldur einnig þá samheldni og anda sem einkenni þetta frábæra franska lið. Það er fullt af stórstjörnum sem hafa náð verulega vel saman á mótinu og boðið upp á frábæran fótbolta.

Ekkert lið hefur verið meira sannfærandi á mótinu en Frakkar. Þeir eru klárlega sigurstranglegastir.

Orkusalan og Fótbolti.net velja mann dagsins á HM á hverjum degi á meðan mótið er í gangi í Bandaríkjunum, Mexíkó og Kanada
Maður dagsins á HM - Ást frá Mbappe og hópknús frá liðinu
Canon

Mynd: EPA

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.