Fotbolti.net
01.11.19 - 11:30
Magnús Már Einarsson

Andri Fannar og Sigurbergur í Keflavík (Staðfest)

Andri Fannar Freysson.

Andri Fannar Freysson.

Canon

Mynd: Fótbolti.net - Hafliði Breiðfjörð

Andri Fannar Freysson, fyrirliði Njarðvíkinga undanfarin ár, hefur gengið til liðs við nágrannana í Keflavík.
Andri Fannar er 27 ára gamall miðjumaður en hann spilaði sextán leiki með Keflavík í efstu deild árin 2013 og 2014.

Undanfarin ár hefur Andri Fannar verið í lykilhlutverki hjá Njarðvík en hann hjálpaði liðinu að vinna 2. deildina árið 2017. Njarðvíkingar féllu úr Inkasso-deildinni í sumar.

Kantmaðurinn Sigurbergur Bjarnason hefur einnig gengið í raðir Keflvíkinga frá Njarðvík.

Sigurbergur steig sín fyrstu skref í Inkasso-deildinni með Njarðvík í fyrra en hann varð síðan fyrir því óláni að slíta krossband. Í sumar kom Sigurbergur til baka eftir meiðslin og lék einn leik á láni hjá Vestra en faðir hans Bjarni Jóhannsson er við stjórnvölinn þar.

Keflavík endaði í 5. sæti í Inkasso-deildinni á síðasta tímabili en Sigurður Ragnar Eyjólfsson kom inn í þjálfarateymi liðsins á dögunum og mun þjálfa liðið ásamt Eysteini Húna Haukssyni.
Andri Fannar Freysson í leik með Keflavík árið 2014.

Andri Fannar Freysson í leik með Keflavík árið 2014.

Canon

Mynd: Fótbolti.net - Hafliði Breiðfjörð

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.