Fotbolti.net
01.12.17 - 14:00
Magnús Már Einarsson

Skarphéðinn í ÍA (Staðfest)

Skarphéðinn Magnússon.

Skarphéðinn Magnússon.

Canon

Mynd: Sigurður Arnar Sigurðsson

ÍA hefur fengið markvörðinn Skarphéðin Magnússon til liðs við sig frá Kára. Skarphéðinn veður einnig markmannsþjálfari meistaraflokks karla en hann tekur við þeirri stöðu af Guðmundi Hreiðarssyni.

Markvörðurinn reyndi Páll Gísli Jónsson lagði skóna á hilluna á dögunum en hins vegar gerði Árni Snær Ólafsson nýjan samning við félagið.
Hinn 28 ára gamli Skarphéðinn hefur þjálfað yngri flokka hjá ÍA undanfarin ár auk þess að sinna markmannsþjálfum og afreksæfingum.

Skarphéðinn hefur einnig varið mark Kára í 3. deildinni síðustu tvö ár og átti þar á meðal þátt í því að liðinu tókst að vinna sér inn sæti í 2. deildinni næsta sumar, en Káramenn fengu aðeins á sig 16 mörk í 18 leikjum.

Hann hefur áður leikið með meistaraflokki Aftureldingar og Dalvíkur/Reynis.

„Við erum ánægð með að fá Skarphéðinn inn í leikmannahópinn og trúum því að hann verði góð viðbót við hann, eins og hann hefur verið í öðrum verkefnum sem hann hefur tekið að sér fyrir félagið,\" segir á heimasíðu ÍA.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.