Fotbolti.net
02.11.18 - 15:27
Elvar Geir Magnússon

Andy Pew í Þrótt Vogum (Staðfest)

Andy Pew og Úlfur Blandon, þjálfari Þróttar.

Andy Pew og Úlfur Blandon, þjálfari Þróttar.

Canon

Mynd: Þróttur Vogum

Varnarmaðurinn Andy Pew er genginn í raðir Þróttar Vogum. Pew er 37 ára og kemur frá Vestra en hann var valinn í lið ársins í 2. deild í sumar.
„Fyrir tíma sinn hjá Vestra spilaði Andrew á Selfossi þar sem hann hefur spilað síðastliðin ár við góðan orðstír í Inkasso deildinni. Andrew kom fyrst til landsins árið 2006 og á að baki 200 leiki á Íslandi og í þeim náð að skora 10 mörk," segir í yfirlýsingu Þróttar.

„Andrew er hávaxinn hafsent og mun koma til með að styrkja varnarleikinn vel, enda gríðarlega reynslumikill leikmaður. Stjórn knattspyrnudeildar lýsir yfir mikilli ánægju með komu Andrew Pew til félagsins og væntir mikils af samstarfinu."

Pew sagði frá því í síðasta mánuði að hann þyrfti að yfirgefa Vestra af fjölskylduástæðum.

Þróttur Vogum endaði í sjötta sæti 2. deildar í sumar.
Pew í leik með Vestra.

Pew í leik með Vestra.

Canon

Mynd: Fótbolti.net - Hafliði Breiðfjörð

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.