Manchester City hafði betur gegn Southampton er liðin mættust í ensku úrvalsdeildinni í dag.
Leikið var á Etihad leikvanginum og komust gestirnir óvænt yfir og leiddu 0-1 í góðan tíma.
Staðan var 0-1 á 60. mínútu þegar boltinn fór útaf og barst að varamannaskýli Southampton. Einn aðstoðarþjálfara Ralph Hasenhüttl tók boltann og hélt honum frá leikmönnum Man City til að reyna að græða tíma.
Josep Guardiola tók ekki sérlega vel í þetta athæfi aðstoðarþjálfarans og gerði grín að honum undir leikslok, þegar City var búið að snúa stöðunni við og komið í 2-1.
Boltinn fór þá útaf og barst til Guardiola sem tók hann upp. Hann lét þó sinn leikmann ekki fá boltann strax, heldur sneri hann sér við og rétti knöttinn í átt að aðstoðarþjálfara Southampton.
Southampton Assistant Manager holds onto the ball at 0-1 in the 60th minute.
— Ryan (was _bernardooooo) (@berniesilvaa) November 2, 2019
Pep Guardiola gets the ball and offers it to the assistant manager while City are winning 2-1.
Pure Shithousery from Pep 🤣😭 pic.twitter.com/U63GPfVqW3
Athugasemdir