Fotbolti.net
02.12.19 - 21:59
Ívan Guðjón Baldursson
Ítalska deildin

Ítalía: Mögnuð endurkoma - Skoruðu fjögur eftir leikhlé

Ítalía: Mögnuð endurkoma - Skoruðu fjögur eftir leikhlé
Canon

Mynd: Getty Images

Cagliari 4 - 3 Sampdoria
0-1 Fabio Quagliarella ('38, víti)
0-2 Gaston Ramirez ('52)
1-2 Radja Nainggolan ('69)
1-3 Fabio Quagliarella ('70)
2-3 Joao Pedro ('74)
3-3 Joao Pedro ('76)
4-3 Alberto Cerri ('96)
Hinn 36 ára gamli Fabio Quagliarella, markakongur Serie A á síðustu leiktíð, skoraði tvennu fyrir Sampdoria í síðasta leik helgarinnar í kvöld.

Hann gerði eina mark fyrri hálfleiksins úr vítaspyrnu og lagði svo upp fyrir Gaston Ramirez í upphafi síðari hálfleiks.

Radja Nainggolan minnkaði muninn fyrir Cagliari með flottu skoti utan teigs en Quagliarella kom Sampdoria aftur í tveggja marka forystu með laglegu marki eftir fyrirgjöf frá Manolo Gabbiadini.

Heimamenn voru þó ekki á því að gefast upp og náði Joao Pedro að jafna með tveimur mörkum á tveimur mínútum.

Staðan var jöfn þar til í uppbótartíma en þar var fimm mínútum bætt við. Alberto Cerri fullkomnaði endurkomu heimamanna með glæsilegu skallamarki tæpri mínútu eftir að uppbótartíminn átti að vera búinn.

Lokatölur 4-3 fyrir Cagliari sem er á ótrúlegri siglingu og vermir fjórða sæti deildarinnar um þessar mundir, með 28 stig eftir 14 umferðir. Sampdoria er aftur á móti í fallbaráttu, með 12 stig.

Claudio Ranieri tók við Samp í október og hefur fengið það verkefni að stýra liðinu frá falli og sem efst upp á töfluna. Samp endaði um miðja deild á síðustu leiktíð og seldi lykilmenn sína burt eins og hefur verið gert undanfarin ár.
Ítalía: Mögnuð endurkoma - Skoruðu fjögur eftir leikhlé
Canon

Mynd: Getty Images

Serie A - karlar

#LiðLmunStig
1Lazio11+1629
2Inter11+1528
3Roma11+2127
4Milan11+1024
5Como11+823
6Frosinone11+920
7Juventus11+318
8Bologna11+217
9Cagliari11-516
10Napoli11+415
11Torino11-214
12Atalanta11-314
13Genoa11-513
14Lecce11-1010
15Fiorentina11-89
16Parma11-88
17Sassuolo11-138
18Monza11-87
19Venezia11-136
20Udinese11-135
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.