Fotbolti.net
03.01.19 - 12:00
Magnús Már Einarsson

Álitsgjafar spá í leik Manchester City og Liverpool

Hvernig fer í kvöld?

Hvernig fer í kvöld?

Canon

Mynd: Getty Images

Manchester City og Liverpool mætast í stórleik í ensku úrvalsdeildinni klukkan 20:00 í kvöld. Liverpool er með sjö stiga forskot á Manchester City fyrir leikinn en úrslit kvöldsins gætu haft mikið að segja í titilbaráttunni sem er framundan.

Fótbolti.net fékk nokkra álitsgjafa til að spá í spilin fyrir leikinn í kvöld.
Böðvar Böðvarsson, Jagiellonia Białystok
Vona innilega að Man City vinni þennan leik og haldi almennilegu lífi í toppbarátunni. Það er nógu sjálfskaðandi að fara á twitter nú þegar, hvað þá ef Liverpool taka titilinn. City tekur þetta 3-2 í uppbótartíma.

Sigurður Helgason, þjálfari 2. flokks KR
3-2 fyrir City ef Kevin De Bruyne er með. Ef hann spilar ekki þá gæti þetta orðið erfitt. Á von á stórskemmtilegum leik tveggja frábærra liða.

Aron Elís Þrándarson, Álasund
1-1. City mun dominera leikinn en ná ekki að klára þetta. Liverpool sáttir við jafntefli og munu ekki taka neina sénsa. Salah skorar eftir skyndisókn og kæmi mer ekki á óvart ef að Aguero myndi svo skora úr víti eftir klaufalega tæklingu Lovren.

Kristinn Páll Teitsson, Fréttablaðið
2-2 jafntefli í bráðfjörugum leik. Það er ekkert grín að heimsækja Etihad, City er bara búið að tapa þremur leikjum þar í ensku úrvalsdeildinni undir stjórn Guardiola. City byrjar leikinn með látum og reynir að brjóta Liverpool niður á fyrstu mínútunum, Aguero skorar eins og alltaf gegn Liverpool á Etihad en Bítlaborgarmenn fara sáttir heim með stigið. Auka hvíldardagurinn sem Liverpool fær á milli leikja skilar því.

Einar Matthías Kristjánsson, kop.is
Ég held að Liverpool komi í betra standi inn í þennan leik og taki þetta 1-4. Guardiola getur varla lagt upp með það aftur að halda stiginu og því vona ég að City verði opnara en á Anfield. City hefur verið að leka mörkum undanfarið og ótrúlegustu lið hafa verið að fá óvenju mikið af dauðafærum gegn þeim. Liverpool á sama tíma er að finna fjölina aftur sóknarlega og hafa núna skorað meira en á sama tíma í fyrra. Þrátt fyrir þessa spá er ég anda í brúnan bréfpoka stressaður fyrir þessum leik!

Yngvi Eysteinsson, FM957
3-1 fyrir Liverpool. Þegar þú færð nánast ekki mark á þig þá er erfitt að tapa fótboltaleikjum. Ég fer með bænirnar þrisvar sinnum á dag þar sem ég bið um að Liverpool byrji að hiksta en það er ekki útlit fyrir að ég verði bænheyrður. Þeir eru ógnarsterkir og Klopp mun skóla Guardiola í kvöld. Því miður.

Jón Kaldal, sparkspekingur
3-1 Manchester City. Ég hef trú á að Manchester City vinni þennan leik nokkuð sannfærandi. Liverpoolmenn hafa vissulega verið frábærir allra síðustu vikur en framan af hausti var heppnin með þeim í ansi mörgum leikjum. Og við skulum ekki gleyma að það er bara mánuður síðan Jordan Pickfort færði þeim öll stigin að gjöf í blálokin í leiknum við Everton. Manchester City hafa hikstað á sama tíma en Pep mun verða með liðið í toppstandi í kvöld. Ég spái 3-1 sigri heimamanna. Þeir eru enn með besta lið Englands.
Álitsgjafar spá í leik Manchester City og Liverpool
Canon

Mynd: Getty Images

Premier league - karlar

#LiðLmunStig
1Arsenal10+1027
2Brighton10+1922
3Man City10+821
4Liverpool10+418
5Chelsea10+316
6Everton10+216
7Bournemouth10+215
8Brentford10+514
9Leeds10+214
10Aston Villa10-313
11Tottenham10-112
12Newcastle10-312
13Hull City10011
14Ipswich Town10-511
15Fulham10-210
16Nott. Forest10-49
17Coventry10-99
18Man Utd10-58
19Sunderland10-98
20Crystal Palace10-147
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.