Búast við að De Bruyne skrifi undir - Chelsea vill kaupa Trafford - Thiago spilandi aðstoðarþjálfari Barca - PSG býður 100 milljónir fyrir...
   fös 03. febrúar 2023 22:16
Brynjar Ingi Erluson
Þýskaland: Sterkur sigur hjá Augsburg
Mynd: EPA
Augsburg 1 - 0 Bayer
1-0 Mergim Berisha ('55 )

Augsburg lagði Bayer Leverkusen að velli, 1-0, í þýsku deildinni í kvöld.

Moussa Diaby, leikmaður Leverkusen, nagar sig eflaust í handarbökin eftir þennan leik en hann klúðraði tveimur góðum færum í fyrri hálfleik.

Eina mark leiksins kom á 55. mínútu eftir hornspyrnu. Belgíski leikmaðurinn Arne Engels kom með frábæra spyrnu inn í teiginn og var Mergim Berisha einn og óvaldaður í miðjum teignum og eftirleikurinn auðveldur.

Leverkusen vildi vítaspyrnu Amine Adli var felldur í teignum þegar tuttugu mínútur voru eftir en dómarinn sýndi því lítinn áhuga á meðan leikmenn Leverkusen kvörtuðu.

Sterkur sigur hjá Augsburg sem nær aðeins að rífa sig úr botnbaráttunni og er nú í 13. sæti með 21 stig. Leverkusen er í 9. sæti með 24 stig.
Athugasemdir
banner
banner