Svíþjóð tryggði sér sæti í 8-liða úrslitum á HM í fyrsta skipti í 24 ár þegar liðið lagði Sviss 1-0 í St Pétursborg í dag.

Emil Forsberg, kantmaður RB Leipzig, skoraði eina mark leiksins í síðari hálfleik. Emil átti skot fyrir utan teig sem hafði viðkomu í Manuel Akanji og það varð til þess að Yann Sommer kom engum vörnum við í markinu.

Vörn Svíana var geysilega öflug í dag og þrátt fyrir mikla sókn Svisslendinga þá hélt vörnin allt til enda og Svíar eru á leið áfram í 8 liða úrslitin.

Viðtal við Forsberg má sjá í spilaranum hér að ofan.