Víkingur R. með tilboð í Óttar Magnús
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Víkingur R. hefur lagt fram tilboð í Óttar Magnús Karlsson framherja Mjallby en þetta staðfestir Milos Milojevic þjálfari sænska félagsins í samtali við fjölmiðla þar í landi.
„Við höfum fengið tilboð í Óttar Magnús Karlsson frá Víkingi Reykjavík. Þetta veltur að hluta til á hans ákvörðun núna," sagði Milos við Blekinge Läns Tidning.
Hinn 22 ára gamli Óttar er uppalinn Víkingur en hann sló í gegn með liðinu sumarið 2015 þegar hann skoraði sjö mörk í þrettán leikjum.
Í kjölfarið fór Óttar til Molde í Noregi en í fyrra var hann á láni hjá Trelleborg í Svíþjóð.
Óttar Magnús samdi við Mjallby síðastliðinn vetur og hefur skorað eitt mark í tólf leikjum í sænsku B-deildinni á þessu tímabili. Mjallby er sem stendur í 2. sæti í þeirri deild.
Víkingur R. hefur nú þegar fengið tvo leikmenn eftir að félagaskiptaglugginn opnaði í fyrradag en það eru íslenski landsliðsmaðurinn Kári Árnason og Kwame Quee sem kemur á láni frá Breiðabliki.
Hinn 22 ára gamli Óttar er uppalinn Víkingur en hann sló í gegn með liðinu sumarið 2015 þegar hann skoraði sjö mörk í þrettán leikjum.
Í kjölfarið fór Óttar til Molde í Noregi en í fyrra var hann á láni hjá Trelleborg í Svíþjóð.
Óttar Magnús samdi við Mjallby síðastliðinn vetur og hefur skorað eitt mark í tólf leikjum í sænsku B-deildinni á þessu tímabili. Mjallby er sem stendur í 2. sæti í þeirri deild.
Víkingur R. hefur nú þegar fengið tvo leikmenn eftir að félagaskiptaglugginn opnaði í fyrradag en það eru íslenski landsliðsmaðurinn Kári Árnason og Kwame Quee sem kemur á láni frá Breiðabliki.
