Ísland í dag - Keflavík mætir Fram og Þróttur spilar við Völsung
Mynd: Fótbolti.net - J.L.
Mynd: Fótbolti.net - J.L.
Það eru aðeins fjórir leikir á dagskrá í íslenska boltanum á þessum sunnudegi þar sem Keflavík og Fram takast á í Bestu deild karla.
Liðin eru í 7. og 8. sæti, í neðri hluta deildarinnar, og eru að berjast um að nálgast hið mikilvæga 6. sæti fyrir lok hins klassíska deildartímabils.
KR situr í sjötta sæti sem stendur og er með fimm stigum meira heldur en Keflavík og sex stigum meira en Fram. Keflavík og Fram eiga þó bæði tvo leiki til góða.
Í 2. deild tekur Þróttur R. á móti Völsungi í spennandi toppbaráttuslag. Þróttur er í öðru sæti deildarinnar, fimm stigum fyrir ofan Völsung.
Að lokum á Reynir Hellissandi heimaleik við Ísbjörninn í 4. deild áður en Afríka tekur á móti Skautafélagi Reykjavíkur.
Besta deild karla
19:15 Keflavík-Fram (HS Orku völlurinn)
2. deild karla
16:00 Þróttur R.-Völsungur (Þróttarvöllur)
4. deild karla - A-riðill
16:00 Reynir H-Ísbjörninn (Ólafsvíkurvöllur)
4. deild karla - B-riðill
19:00 Afríka-SR (OnePlus völlurinn)
