Selfyssingar sjokkera - „Borgar hann með sér þarna?"

Það var ekki eins mikill hressleiki þegar rætt var um Selfoss, sem er núna tveimur stigum frá fallsæti.

„Hvað er í gangi þarna?" spurði Tómas Þór. „Ég talaði við Selfyssing í gær sem var í sjokki. Hann er mikill stuðningsmaður liðsins og er nánast farinn að undirbúa fall. Hann skilur ekki neitt. Hann viðurkenndi að þetta væri rándýrt fótboltalið... það eru dýrari lið í deildinni en miðað við Þrótt, Aftureldingu og Ólafsvík, þá held ég að sé töluverður munur á 'budgetinu' þarna."

„Við vitum alveg að Tokic, Turudija, Gary Martin eru ekkert að gera þetta frítt. Við kunnum að meta alvöru metnað. Það er metnaður í að sækja Gary Martin. Hann hefur reynst þeim happadrjúgur og er ein helsta ástæða fyrir því að þeir séu ekki á leið niður (í augnabliknu)."



„Fyrir utan að það vanti bara gæði í Selfoss, þá vantar oft bara meira þor, djörfung, dug og vilja... vinniði leikina! Hvernig færðu Þrótt á heimavöll - sem eru barðir sundur og saman andlega og líkamlega - og tapar 3-0? Það er ekki einu sinni rætt um hvort Dino (Dean Martin) sé í heitu sæti eða ekki. Borgar hann með sér þarna? Þetta er ótrúlegt."

Það er alla vega spennandi fallbarátta framundan en hægt er að hlusta á allan útvarpsþáttinn hér að neðan.