Fotbolti.net
03.11.17 - 17:55
Magnús Már Einarsson

Heimir Guðjóns tekinn við HB (Staðfest)

Heimir Guðjónsson.

Heimir Guðjónsson.

Canon

Mynd: Fótbolti.net - Hafliði Breiðfjörð

Heimir Guðjónsson hefur verið ráðinn þjálfari HB í Færeyjum en þetta staðfesti hann í samtali við Fótbolta.net nú rétt í þessu.
Heimir gerði tveggja ára samning með uppsagnarákvæði af beggja hálfu eftir næsta tímabil.

Hinn 48 ára gamli Heimir var rekinn frá FH fyrr í þessum mánuði eftir farsælan tíu ára feril sem þjálfari og Ólafur Kristjánsson ráðinn í hans starf.

HB er sig­ur­sæl­asta lið Fær­eyja og hef­ur orðið fær­eysk­ur meist­ari 22 sinn­um, síðast árið 2013. Kristján Guðmundsson stýrði liðinu stærstan hluta tímabilsins 2010 en þá varð það meistari. HB stóð ekki undir væntingum á liðnu tímabili og hafnaði í fimmta sæti.

„Þetta er gott tækifæri. HB er mjög flottur klúbbur. Menn voru ekki nógu ánægðir með hvernig hlutirnir gengu í sumar. Menn vilja gera betur og það er heiður að fá að taka þátt í því,\" sagði Heimir við Fótbolta.net í kvöld.

Á meðal leikmanna HB er Símun Samuelsen sem spilaði með Keflavík við góðan orðstír frá 2005 til 2007.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.