„Þetta var mjög skemmtilegt, fórum í Meistaradeildina en enduðum ekki á þeim stað sem við vildum enda á í deildina. En í heildina var þetta mjög flott tímabil," sagði Diljá. Häcken endaði í 2. sæti sænsku deildarinnar, tíu stigum á eftir Rosengård.

„Tímabilið var langt fram úr mínum væntingum. Ég bjóst ekki við því að ég myndi spila það mikið og svo þegar ég spilaði hvernig ég uppskar," sagði Diljá sem endaði næstmarkahæst í liðinu á eftir Stina Blackstenius. Diljá skoraði fimm mörk í deildinni í fjórtán leikjum. Alls var hún í byrjunarliði liðsins í sex leikjum á tímabilinu.

„Ég var frekar óheppinn, byrja tvo leiki og í kjölfarið kom þriggja vikna pása. Eftir það koma nýir leikmenn og leikmenn byrjuðu frá núlli aftur. Ég byrjaði ekki fyrstu leikina eftir pásuna en kem mér svo aftur inn í liðið. Það varð svo smá þjálfarakrísa og svoleiðis... en auðvitað hefði ég viljað byrja fleiri leiki og miðað við tölfræðina þá verður maður smá pirraður að maður hefði ekki byrjað fleiri leiki. Það er oftast þannig að frammistaðan á æfingum ræður. Ég er heilt yfir sátt."

„Ég var að spila með góðum leikmönnum og þegar ég spila með góðum leikmönnum í kringum mig þá er auðveldara að skora mörkin. Ég var á mjög góðum stað og það var að ganga ógeðslega vel."

„Þegar ég var að skora mörkin þá var ég á vinstri kantinum og mér líður best þar. Núna er verið að hræra til og búið að setja mig fram. Það er kominn nýr þjálfari og hann sagðist ekki sjá mig á vinstri kantinum sem var smá skellur. Hann vill prófa að nota mig frammi og byrjaði að þróa mig þar núna í lok Meistaradeildarinnar. Ef hann vill nota mig frammi þá tek ég því alveg en vil helst spila á vinstri kantinum."

Talandi um Meistaradeildina, hvernig var að spila í riðlakeppninni?

„Þetta var erfitt en geggjuð upplifun. Allt í kringum þetta var upp á tíu - að fá að ferðast í þessa leiki var geggjað. Það að mæta Lyon og Bayern, það eru erfiðustu andstæðingar sem ég hef mætt - helvíti erfitt. Hraðinn og styrkurinn sem leikmenn Lyon hafa fram yfir okkur er rosalegur. Við áttum alltaf fína fyrri hálfleika á móti þessum liðum en í seinni hálfleik var keyrt yfir okkur og þetta endaði frekar illam," sagði Diljá.

Viðtalið í heild má sjá í spilaranum hér að ofan

Viðtal við Diljá fyrir síðasta tímabil:
„Ekkert sem segir mér að þetta geti verið rangt skref"

Tweet

Senda a Facebook Hafdu samband Senda frétt Prenta frétt Frétta leit