Jóhannes Karl í svörtu úlpunni.
FH skoraði fjögur í dag.
Tómas Orri átti mjög flottan leik á miðjunni.
„Mér líður virkilega vel með leikinn, við komum með það markmið að vinna einvígið og koma okkur áfram í næstu umferð bikarsins. Það heppnaðist."
„Við vorum að spila á móti hörkuliði Þórsarana, þeir eru erfiðir heim að sækja, svaka karakter í þessu liði og Siggi búinn að búa til flott lið hérna þannig við vissum að þetta yrði erfitt," sagði Jóhannes Karl Guðjónsson, þjálfari FH, eftir sigur liðsins gegn Þór í Mjólkubikarnum í dag.
FH lenti 0-1 undir í leiknum en svaraði með fjórum mörkum áður en Þór minnkaði muninn í blálokin.
„Við vorum að spila á móti hörkuliði Þórsarana, þeir eru erfiðir heim að sækja, svaka karakter í þessu liði og Siggi búinn að búa til flott lið hérna þannig við vissum að þetta yrði erfitt," sagði Jóhannes Karl Guðjónsson, þjálfari FH, eftir sigur liðsins gegn Þór í Mjólkubikarnum í dag.
FH lenti 0-1 undir í leiknum en svaraði með fjórum mörkum áður en Þór minnkaði muninn í blálokin.
Lestu um leikinn: Þór 2 - 4 FH
Liðsheild, vinnusemi og karakter
„Svolítið svekkjandi að þeir nái forystunni eftir fast leikatriði því mér fannst við fá möguleika á því að skora fyrsta markið. Strákarnir sýndu gríðarlegan karakter og mikla vinnusemi til að koma sér aftur inn í leikinn. Ég er fyrst og fremst ánægður með liðsheildina, vinnusemina og karakterinn í strákunum að koma hingað norður og vera tilbúnir í slaginn. Þeir gerðu það frá fyrstu mínútu og ég er rosalega sáttur með það."
FH pressaði Þórsara í leiknum og voru með hraða menn fram á við.
„Við vörðumst líka á köflum ágætlega neðarlega á vellinum og vorum óheppnir að geta ekki búið til betri stöður úr skyndisóknunum okkar af því Þórsararnir voru svolítið veiir til baka þegar þeir voru búnir að fórna mönnum, sérstaklega á sinni hægri hlið. Við vissum að þeir yrðu svolítið veikir til baka og við reyndum að keyra á þá veikleika. Það heppnaðist að einhverju leyti. Ég er ánægður með mörkin og við vorum líka að skapa okkur alls konar tækifæri. Það er fjölbreytni í því sem við erum að gera og það er ánægjulegt."
Það hefur verið smá ský yfir FH, mikið af breytingum í vetur og reynsluboltar kvaddir. Hvernig er að sýna stuðningsmönnunum svona frammistöðu í fyrsta alvöru leik?
„Við þjálfarateymið og leikmennirnir viljum náttúrulega sýna FH-ingum að við ætlum að gera þetta af alvöru; ætlum að spila með hjartanu. Við viljum að fólkið geti komið og horft á okkur og verið stolt af því sem við erum að reyna gera. Það er vinna sem strákarnir eru til í að leggja á sig. Svo eru gæði og mörk í þessu liði líka. Við ætlum að gera allt sem við getum til að halda í þetta og það verði framhald af svona frammistöðu - auðvitað verða ekki alltaf skorað svona mörg mörk - en fyrst og fremst að fólkið sjái og finni að við erum að gera allt sem við getum til þess að vinna fótboltaleiki."
Hefði viljað styttri siglingu
Hvernig líður þér með að fara til Eyja í fyrsta leik?
„Það er bara fínt, ég væri alveg til í að sigla úr Landeyjarhöfn en ég held við þurfum að fara frá Þorlákshöfn. Það er bara eins og það er. Þetta eru lið úti á landi og við fögnum því að hafa fjölbreytt lið í deildinni, gaman að fara til Vestmannaeyja að spila fótboltaleik og við verðum bara klárir í það þegar þar að kemur."
Mikil ástríða í Tomma
Tómas Orri Róbertsson var að mati Fótbolta.net maður leiksins í Boganum.
„Tommi er mjög góður fótboltamaður, en hann er líka hörku karakter, svakaleg vinnusemi í honum, alvöru vél. Hann er duglegur og hvetjandi, mikil ástríða í honum og það er það sem ég fíla við hann. Flottur leikmaður," sagði Jói Kalli og brosti.
