Moreno er 26 ára og lék 91 leik á fyrstu tveimur tímabilum sínum í enska boltanum eftir að hafa verið keyptur frá Sevilla 2014.

Hann hefur mikið verið geymdur a bekknum síðustu tímabil en hann missti stöðu sína til James Milner og svo Andrew Robertson.

„Þessir mögnuðu leikmenn eiga skilið að fá þakkir. Þeir hjálpuðu liðinu í sinni framþróun," segir Jurgen Klopp á heimasíðu Liverpool og hrósar þeim fyrir mikla fagmennsku.

„Við munum auðvitað sakna þeirra en það er hægt að kveðja þá með bestu mögulegu orðunum: Strákar, þið kveðjið sem Evrópumeistarar!"