Ásgeir Eyþórsson, fyrirliði Fylkis, var sáttur eftir 2-1 sigur gegn Fjölni í fjórðu umferð Pepsi Max-deildar karla í dag.
„Ég er bara mjög sáttur. Þetta var óþolandi mark að fá á sig þarna undir lokin. Við vorum ekkert sérstakir í dag en þetta var seiglusigur." sagði Ásgeir eftir leikinn.
„Ég er bara mjög sáttur. Þetta var óþolandi mark að fá á sig þarna undir lokin. Við vorum ekkert sérstakir í dag en þetta var seiglusigur." sagði Ásgeir eftir leikinn.
Lestu um leikinn: Fjölnir 1 - 2 Fylkir
Fylkismenn eru núna búnir að vinna tvo leiki í röð eftir að hafa tapað fyrstu tveimur leikjum mótsins.
„Þetta er eitthvað sem að við töluðum um fyrir mót að bæta frá því í fyrra. Þannig að það er mjög sterkt fyrir okkur að ná að tengja saman þessa sigra."
Næsti leikur Fylkis er heimaleikur gegn KA sem að eru með eitt stig eftir tvo leiki.
„Mér líst bara mjög vel á framhaldið. Það hafa allir leikirnir okkar í sumar verið jafnir og þetta verður bara annar hörkuleikur." sagði Ásgeir að lokum.
Nánar er rætt við Ásgeir í spilaranum að ofan.
Athugasemdir