Fotbolti.net
04.08.16 - 11:39
Elvar Geir Magnússon

Atli Hrafn Andrason í raðir Fulham (Staðfest)

Atli Hrafn í leik með KR.

Atli Hrafn í leik með KR.

Canon

Mynd: Fótbolti.net - Hafliði Breiðfjörð

Sóknarleikmaðurinn efnilegi Atli Hrafn Andrason hefur verið seldur frá KR til Fulham en þetta kemur fram á heimasíðu Vesturbæjarliðsins.

„Knattspyrnudeild KR þakkar Atla Hrafni hans framlag til félagsins og óskar honum alls hins besta hjá nýju félagi,\" stendur á kr.is.
Atli er 17 ára gamall, fæddur 1999, og fékk sína eldskírn með meistaraflokki KR í fyrra. Hann hefur leikið fimm leiki með KR í Pepsi-deildinni.

Hann hefur leikið alls 14 leiki og skorað 2 mörk fyrir U17 landslið Íslands.

Hjá Fulham hittir hann annan ungan efnilegan íslenskan leikmann en Jón Dagur Þorsteinsson, sem er fæddur 1998, hefur leikið með unglingalið félagsins.

Aðallið Fulham lék í úrvalsdeildinni fyrir nokkrum árum en hafnaði í 20. sæti Championship-deildarinnar á síðasta tímabili.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.