Fotbolti.net
04.12.18 - 11:30
Magnús Már Einarsson

Baldvin Sturlu tekinn við Álftanesi (Staðfest)

Arnar Már aðstoðarþjálfari

Baldvin Sturluson.

Baldvin Sturluson.

Canon

Mynd: Fótbolti.net - Hafliði Breiðfjörð

Baldvin Sturluson hefur verið ráðinn þjálfari hjá Álftanesi sem spilar í 3. deildinni á næsta ári. Baldvin mun einnig spila með liðinu.

Baldvin tekur við af Marel Baldvinssyni sem þjálfaði Álftanes á síðasta tímabili.
Álftanes endaði í 4. sæti í 4. deildinni síðastliðið sumar en komst upp í 3. deild eftir sameiningu Hattar og Hugins á dögunum.

Baldvin er 29 ára gamall en hann á 103 leiki að baki í Pepsi-deildinni með Stjörnunni, Val, Breiðabliki og Þrótti. Síðastliðið sumar var Baldvin fyrri hluta tímabils hjá Haukum áður en hann fór í KFG.

Arnar Már Björgvinsson verður aðstoðarþjálfari Álftnesinga á komandi tímabili en hann mun líkt og Baldvin líka spila með liðinu.

Hinn 28 ára gamli Arnar Már er uppalinn á Álftanesi en hann kom til félagsins frá Fylki í júlí síðastliðnum. Arnar Már hefur skorað 27 mörk í 127 leikjum í Pepsi-deildinni með Stjörnunni, Breiðabliki, Fylki og Víkingi Ólafsvík.
Arnar Már Björgvinsson

Arnar Már Björgvinsson

Canon

Mynd: Fótbolti.net - Tomasz Kolodziejski

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.