04.12.23 - 20:30
Ívan Guðjón Baldursson
De Zerbi: Seldum þrjá lykilmenn en erum ennþá að spila jafn vel
Mynd: Getty Images
Mynd: Getty Images
Brighton tapaði á útivelli gegn Chelsea í gær er liðin mættust í ensku úrvalsdeildinni og var Roberto De Zerbi svekktur með lokatölurnar en sáttur með frammistöðuna.
TENGT EFNI
De Zerbi: Vorum miklu betri en Chelsea en gerum þrjú stór mistök
Hann taldi sína menn hafa verið sterkari aðilann á Stamford Bridge þrátt fyrir 3-2 tap og minntist á erfiðleika Brighton á félagsskiptaglugganum í sumar.
„Það er bara eitt lið í ensku úrvalsdeildinni sem missti þrjá mikilvæga leikmenn úr sínum röðum síðasta sumar og það erum við. Þrátt fyrir það hefur okkur tekist að halda áfram að spila á sama gæðastigi," sagði De Zerbi meðal annars eftir tapið.
„Til samanburðar þá seldu önnur félög nánast enga mikilvæga leikmenn frá sér og keyptu inn mikið af nýjum mönnum."
