Luis Campos, sérstakur fótboltaráðgjafi PSG, tjáði sig um Hakim Ziyech en allt stefndi í það að leikmaðurinn myndi enda í röðum PSG á lokadegi félagsskiptagluggans.
Ziyech var mættur á skrifstofur PSG og beið eftir því að allt yrði klappað og klárt en skiptin náðu hins vegar ekki í gegn.
Ótrúlegt klúður með pappírsmálin gerðu það að verkum að skiptin náðu ekki í gegn í tæka tíð og því fór Ziyech aftur til London.
„Við gerðum allt sem við gátum til að fá Ziyech til PSG, líka teymið í kringum hann," sagði Campos.
„Til að félagsskipti fari í gegn þurfa allir þrír aðilar að vinna vel."
„Þetta gekk vel hjá PSG og Ziyech en því miður gekk það ekki vel hjá Chelsea."
Ziyech var í byrjunarliðinu hjá Chelsea sem gerði markalaust jafntefli gegn Fulham á föstudagskvöldið.
