Konsa um tæklinguna: Rogers er góður vinur minn

Ezri Konsa gekk til liðs við Arsenal á meðan Morgan Rogers fór til Chelsea fyrir metfé og mættust þeir í þriðju umferð úrvalsdeildartímabilsins.

Konsa var að spila sinn fyrsta byrjunarliðsleik frá félagaskiptunum og stóð hann sig feykilega vel. Hann var fljótur að vinna stuðningsmenn Arsenal á sitt band með glæsilegri tæklingu á góðvini sínum og fyrrum liðsfélaga Morgan Rogers.

Arsenal var 2-1 yfir seint í leiknum þegar Rogers virtist vera við það að sleppa einn í gegn, þar til Konsa vann boltann af honum með stórkostlegri tæklingu og uppskar mikil fagnaðarlæti af pöllunum. Það hefur hjálpað að Arsenal mistókst að kaupa Rogers í sumar og þegar hann skoraði fyrsta markið á Emirates fagnaði hann að hætti Thierry Henry, stuðningsmönnum Arsenal til mikillar gremju.

„Sem varnarmaður þá elska ég að fara í tæklingar og 50/50 bolta. Hann (Morgan Rogers) er góður vinur minn en þegar við mætumst á vellinum þá erum við ekki lengur vinir. Ég veigra mér ekki við að tækla neinn," sagði Konsa.

Englandsmeistarar Arsenal eru með fullt hús stiga eftir þrjár fyrstu umferðirnar á nýju úrvalsdeildartímabili.