fös 05. mars 2021 10:04
Magnús Már Einarsson
Böðvar farinn frá Jagiellonia Białystok
Mynd: Fótbolti.net - Elvar Geir Magnússon
Vinstri bakvörðurinn Böðvar Böðvarsson er á förum frá pólska félaginu Jagiellonia Białystok. Eins og Fótbolti.net greindi frá á dögunum hafa viðræður um starfslokasamning átt sér stað að undanförnu.

„Þakklátur fyrir þrjú ár í Jaiellonia og fyrir allt góða fólkið sem ég hef kynnst á tíma mínum hér. Ég óska öllum í kringum félagið og borgarinnar Bialystok alls hins besta," sagði Böðvar á Instagram í dag.

Böðvar fór frá FH til Jagiellonia Białystok árið 2018 en hann er nú á förum. Samkvæmt heimildum Fótbolta.net er áhugi á Böðvari erlendis og líklegt að hann spili áfram fyrir utan Ísland.

Á þessu tímabili hefur Böðvar spilað þrettán leiki en hann ekki komið við sögu eftir jólafrí.

Hinn 25 ára gamli Böðvar hefur samtals spilað 43 leiki í pólsku úrvalsdeildinni á ferli sínum.

Athugasemdir
banner
banner
banner