Fotbolti.net
05.08.16 - 11:01
Elvar Geir Magnússon
- Laugardal

Helgi Kolviðs aðstoðarmaður Heimis (Staðfest)

Helgi Kolviðsson er kominn inn í þjálfarateymi Íslands. Hér er hann þegar hann var kynntur í dag ásamt Heimi Hallgrímssyni þjálfara, Geir Þorsteinssyni formanni KSÍ og Guðmundi Hreiðarssyni markmannsþjálfara.

Helgi Kolviðsson er kominn inn í þjálfarateymi Íslands. Hér er hann þegar hann var kynntur í dag ásamt Heimi Hallgrímssyni þjálfara, Geir Þorsteinssyni formanni KSÍ og Guðmundi Hreiðarssyni markmannsþjálfara.

Canon

Mynd: Fótbolti.net - Hafliði Breiðfjörð

Helgi Kolviðsson, fyrrum landsliðsmaður Íslands, hefur verið staðfestur sem nýr aðstoðarlandsliðsþjálfari. Hann verður aðstoðarmaður Heimis Hallgrímssonar.

Geir Þorsteinsson, formaður KSÍ, greindi frá þessu á fréttamannafundi nú rétt í þessu.

„Helga þekki ég sjálfur af góðu einu. Bæði sem leikmaður hér heima og með landsliðinu,\" sagði Geir á fréttamannafundi í dag.
Helgi var meðal þeirra þjálfara sem aðstoðuðu Heimi og Lars Lagerback á Evrópumótinu í Frakklandi. Hann hefur þjálfað í Austurríki og neðri deildum Þýskaland en á sínum tíma spilaði hann 30 landsleiki fyrir Ísland á árunum 1996-2003.

Mánuður er í að Ísland leikur sinn fyrsta leik í undankeppninni fyrir HM 2018 en liðið mætir þá Úkraínu ytra. Í riðlinum eru einnig Finnland, Tyrkland, Króatía og Kosóvó.

Í dag var einnig tilkynnt að Guðmundur Hreiðarsson verður áfram markmannsþjálfari íslenska landsliðsins. Nýr þýskur styrktarþjálfari kemur einnig inn í þjálfarateymið að ósk Heimis.

Samningur Heimis og Helga eru út undankeppni HM og þeir stýra liðinu einnig í lokakeppninni í Rússlandi ef það kemst þangað.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.