Fotbolti.net
05.08.17 - 07:00
Guðmundur Aðalsteinn Ásgeirsson

Aston Villa fær Josh Onomah á láni (Staðfest)

Aston Villa fær Josh Onomah á láni (Staðfest)
Canon

Mynd: Heimasíða Aston Villa

Aston Villa hefur fengið Josh Onomah að láni frá Tottenham. Onomah skrifaði undir fjögurra ára samning við Spurs og var strax lánaður í Championship-deildina til Aston Villa.

Onomah er tvítugur og var í enska U-20 ára landsliðinu sem varð heimsmeistari í þeim aldursflokki í júní.
Hann spilaði sinn fyrsta leik fyrir Tottenham þegar hann var 17 ára og hefur síðan þá spilað 32 leiki fyrir félagið.

„Ég get ekki beðið eftir því að byrja. Ég veit að markmiðið er að komast upp í ensku úrvalsdeildina og ég er hingað kominn til þess að hjálpa okkur að ná því markmiðið,\" sagði Onomah.

Onomah gæti spilað sinn fyrsta leik fyrir Aston Villa í dag.

Villa mætir Hull City í fyrsta leik Championship-deildarinnar, en íslenski landsliðsmaðurinn Birkir Bjarnason er á mála hjá Aston Villa.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.