Shinji Okazaki rann út á samningi hjá Leicester í sumar og var því frjáls ferða sinna.
Hann hélt til Malaga í spænsku B-deildinni en eftir mánaðardvöl hjá félaginu kom það í ljós að ekki væru til nægir peningar til að borga japanska landsliðsmanninum laun.
Okazaki hélt áfram að leita sér að nýju félagi á Spáni og er búinn að skrifa undir eins árs samning við SD Huesca sem leikur einnig í B-deildinni.
Okazaki er 33 ára og varð úrvalsdeildarmeistari með Leicester City fyrir þremur árum. Hann hefur áður leikið fyrir Stuttgart og Mainz og þá hefur hann gert 50 mörk í 119 landsleikjum.
Huesca féll úr efstu deild í fyrra og stefnir beint aftur upp. Liðið er með sex stig eftir þrjá leiki á nýju tímabili.
Athugasemdir