Fotbolti.net
05.12.17 - 16:12
Elvar Geir Magnússon

Arnór Breki í Fjölni (Staðfest)

Arnór Breki með Fjölni á Bose mótinu.

Arnór Breki með Fjölni á Bose mótinu.

Canon

Mynd: Fótbolti.net - Hafliði Breiðfjörð

Fjölnir hefur staðfest að vinstri bakvörðurinn Arnór Breki Ásþórsson hafi skrifað undir samning við félagið.

Arnór hefur spilað með Fjölnismönnum á Bose mótinu og lék með liðinu gegn Stjörnunni í gær.
Hann er 19 ára gamall en var þrátt fyrir ungan aldur að ljúka sinni fjórðu leiktíð með meistaraflokki Aftureldingar. Hann hefur spilað 56 leiki með liðinu í 2. deildinni og bikarkeppni og skorað 5 mörk. Hann á að baki 5 leiki með U17 ára landsliði Íslands.

Arnór er þriðji leikmaðurinn sem Fjölnir fær í vetur áður hafði Sigurpáll Melberg Pálsson komið frá Fram og Almarr Ormarsson frá KA.

Fjölnir hafnaði í tíunda sæti Pepsi-deildarinnar ár en Ólafur Páll Snorrason tók við þjálfun liðsins eftir tímabilið.

Sá fyrri sem við kynnum er Arnór Breki Ásþórsson, 19 ára öflugur vinstri bakvörður. Vertu velkominn! #FélagiðOkkar pic.twitter.com/jbGu7uuQDL

— Fjölnir FC (@Fjolnir_FC) December 5, 2017

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.