Manchester United og Chelsea mætast í ensku úrvalsdeildinni annað kvöld. Mauricio Pochettino, stjóri Chelsea, fór yfir stöðuna á leikmannahópi Chelsea á fréttamannafundi í dag.

Romeo Lavia og Christopher Nkunku verða áfram fjarverandi.

„Ég var að vona að Nkunku gæti verið með en hann er enn ekki orðinn leikfær. Stundum myndast spenna og við viljum fá leikmanninn sem fyrst en það þarf að sýna skynsemi,“ sagði Pochettino.

Nkunku er 26 ára og miklar væntingar gerðar til hans hjá Chelsea eftir að félagið keypti hann frá RB Leipzig á 52 milljónir punda. Hann skoraði 23 mörk í 38 leikjum fyrir þýska félagið á síðasta tímabili. Hann hlaut hnémeiðsli á undirbúningstímabilinu.

   05.12.2023 13:40

Gunnar Ormslev spáir í 15. umferð ensku úrvalsdeildarinnar